NANAY!!!

Napanaginipan ko ang nanay ko kaninang umaga...
Putya, paggising ko umiiyak ako.
'Tangamang panaginip yan, napakasama!!!

Sa panaginip ko, namatay daw ang nanay ko...
Ganito 'yon, nasa isang lugar daw kaming magkakapatid- ako, si Allen at si Evin...
Parang sa sunken garden pa nga e...
Nagpapalipad daw kami ng saranggola...
Maaliwalas ang panahon, hindi mo aakalaing may masamang mangyayari.
Biglang napadpad ako sa bakuran ng isang parang simbahan, maraming puno, malilim, at may kasama daw akong isang batang babaeng umiiyak. Kasama niya ang nanay at tatay niya na nag-uusap. Malayo sa amin ang magulang ng umiiyak na bata kaya hindi ko raw marinig ang pinag-uusapan nila. Tinitingnan nila ako, may halong awa, parang nakikiramay...
Bigla akong napunta sa isang kwarto, natutulog si Allen sa may paanan ko.Nakaupo ako sa kama, walang magawa...nakita ko ang sarili kong nagbibihis ng itim na blouse at palda. Hindi pa nga raw magkasya sa kin yung palda e...
Biglang lumitaw sa may pintuan yung tatay ko, pinagmamadali ako...
Bigla, nakita ko na naman ang sarili ko na nakaupo sa kama, tulog pa rin si Allen. Naktunganga raw ako kung saan...bumabalik-balik yung eksenang nagpapalipad daw ako ng saranggola sa may sunken garden...
Napalingon ako sa isang maliit na kahon, biglang may ibang eksena, parang flashback... may inilalagay daw sa kahon na 'yon ang nanay ko- parang mga sulat na naka-envelope pa. Nagsasalita siya pero hindi ko marinig ang sinasabi niya.
'Tangama, bigla akong napaiyak.Humahagulgol daw ako sa pag-iyak sa panaginip ko.
Naririnig ko na ang sarili kong umiiyak, tinatawag ko na ang pangalan ng nanay ko...

Buti na lang natauhan ako kaya nagising ako.

Putya, buti panaginip lang...

Katabi ko pa naman ang lola ko, naramdaman ko na lang na hinahagod niya ang likod ko. 'Kakahiya...narinig niya 'atang umiiyak ako sa panaginip ko.
Namumugto ang mga mata ko paggising ko.
Na-realize ko na lang na sobrang miss na miss ko na talaga ang nanay ko. Nang maisip kong apat na taon pa bago ko siya muling makita, napa-iyak ako sa harap ng almusal kong kape at pandesal.

Kumusta na kaya siya dun ngayon? Putya, hindi ako makapag-isip mg matino dahil dun sa panaginip na yon. Hindi ko maiwasang isipin na baka may masamang nangyari na sa kanya dun.
AHHHH!!!Bakit pa kasi nanaginip ako ng ganon?!

Nanay!!!Miss na kita...